Ég er EES/EFTA ríkisborgari

Ég er EES/EFTA ríkisborgari

  • Ef þú ert EES/EFTA ríkisborgari eða norðurlandabúi sem er að fara vinna á Íslandi í skemur en 3 mánuði og vinnuveitandi þinn greiðir launatengd gjöld vegna starfa þinna hér á landi þá mun hann sækja um kerfiskennitölu fyrir þig. Skattkort er útgefið í kjölfar útgáfu á kerfiskennitölu. Þú getur ekki sótt sjálf/ur um kerfiskennitölu. Kerfiskennitala veitir þér engin réttindi á Íslandi og staðfestir ekki rétt til dvalar.

    Um kerfiskennitölur

  • Sem EES eða EFTA ríkisborgari þá máttu koma til Íslands og dvelja í allt að þrjá mánuði án skráningar. Ef þú ert hér í atvinnuleit þá máttu dvelja hér í allt að sex mánuði án skráningar. Tímabilið 3 og 6 mánuðir reiknast frá komudegi til landsins.

    • Þú þarft að sækja um staðfestingu um rétt til dvalar í umfram þrjá mánuði á Íslandi. Það gerir þú með því að koma á skrifstofu Þjóðskrár Íslands eða á þá skrifstofu sveitarfélags sem þú býrð í. 
    • Þú þarft að leggja fram gögn sem staðfesta að þú uppfyllir skilyrði til dvalar umfram þrjá mánuði.
    • Þú þarft að sýna fram á að þú getir framfleytt þér í að minnsta kosti 3 mánuði miðað við lágmarksframfærsluviðmið. 
    • Ef þú uppfyllir skilyrði um dvöl á Íslandi umfram 3 mánuði þá færðu útgefið skráningarvottorð og ert skráð/ur í þjóðskrá með lögheimili á Íslandi. Skráningardagur lögheimilis miðast við móttöku fullnægjandi umsóknar.
    • Skráningarvottorð er sent á það heimilisfang sem þú gafst upp á umsókn þinni.
    • Mikilvægt er að upplýsingar um þig séu réttar í þjóðskrá þar sem réttur til opinberrar þjónustu og aðstoðar er að mestu leiti háð skráningu í þjóðskrá. Kennitala án lögheimilisskráningar á Íslandi veitir takmörkuð réttindi. 

    Ég er með vinnu

    Ég ætla að framfleyta mér sjálf/ur

    Ég er nemandi

    Ég er á framfæri fjölskyldumeðlims