Fasteignamat 2020
Fasteignamat 2020 hækkar um 6,1%
- Heildarmat fasteigna á Íslandi hækkar um 6,1% frá yfirstandandi ári og verður 9.047 milljarðar króna, samkvæmt fasteignamati fyrir árið 2020
- Samanlagt mat íbúða á öllu landinu hækkar um 6,0% á milli ára og verður alls 6.594 milljarðar króna, þar af hækkar sérbýli um 6,6% á meðan fjölbýli hækkar um 5,3%.
- Fasteignamat íbúða hækkar um 5,0% á höfuðborgarsvæðinu en um 9,1% á landsbyggðinni.
- Fasteignamat íbúða hækkar mest á Akranesi en þar hækkar íbúðarmatið um 21,6%, um 17,7% í sameinuðu sveitarfélagi Sandgerðis og Garðs (Suðurnesjabæ) og um 16,6% í Vestmannaeyjum.
- Fasteignamat atvinnuhúsnæðis hækkar um 6,9% á landinu öllu; um 5,9% á höfuðborgarsvæðinu en um 9,3% á landsbyggðinni.
Nokkrar breytingar á aðferðarfræði
Matssvæðum á höfuðborgarsvæðinu hefur verið fjölgað nokkuð til að matið endurspegli nákvæmar þær verðbreytingar sem orðið hafa á svæðinu með þéttingu byggðar.
Nokkrar breytingar hafa verið gerðar á aðferðafræði við útreikning á fasteignamati sumarhúsa og má þar helst nefna fjölgun matssvæða yfir allt landið auk þess sem útreikningi lóðaverðs hefur verið breytt þannig að sumarhúsalóðir undir meðalstærð lækka en lóðir yfir meðalstærð hækka. Lóðaverð sumarhúsa lækkar því að jafnaði um 23% á milli ára á meðan húsmatið sjálft hækkar um 7,5%. Með fjölgun matssvæða er hægt að aðgreina betur fasteignamat ólíkra svæða og lækka viss strjálbyggð svæði sem hafa takmarkaðar samgöngur og eru langt frá annarri byggð.
-
Fasteignamat er endurmetið á hverju ári en kveðið er á um slíkt í lögum nr. 6/2001 um skráningu og mat fasteigna. Þar kemur fram að endurmeta skuli fasteignamat 31. maí ár hvert miðað við gangverð eins og það var í næstliðnum febrúar. Fasteignamat 2021 miðast því við verðlag fasteigna í febrúar 2020 og tekur gildi 31.desember 2020.
-
Já það getur haft smávægileg áhrif fyrir íbúðamat en vægi hvers kaupsamnings er yfirleitt lítið. Um 97,5% af öllu íbúðarhúsnæði er metið með markaðsaðferð. Safnað er upplýsingum úr nýlegum kaupsamningum ásamt upplýsingum úr fasteignaskrá um eiginleika fasteigna og tölfræðilegar aðferðir notaðar til að útbúa líkan sem metur markaðsvirði eignar út frá eiginleikum hennar. Tölfræðilegt vægi hvers samnings er í raun ekki mikið enda er um stórt gagnasafn að ræða.
-
Nei, álagning fasteignagjalda er ákveðin hjá viðkomandi sveitarfélagi. Sveitarfélög notast við fasteignamat fasteigna sem skattstofn við álagningu fasteignagjalda en taka sjálf ákvörðun um hve há álagning er hverju sinni.
-
Fasteignamat 2021 miðast við verðlag fasteigna í febrúar 2020 samkvæmt lögum. Faraldurinn var ekki skollinn á af fullum þunga hér á landi fyrr en eftir þennan tíma. Að því sögðu er enn óljóst hvaða áhrif þetta mun hafa á fasteignaverð. Fylgjast má með framvindu íbúðavísitölu sem HMS gefur út til að fá nákvæmari yfirsýn yfir slíka þróun frá mánuði til mánaðar.
-
Skráningarupplýsingum og matsforsendum er safnað úr fasteignaskrá fyrir þær eignir sem kaupsamningar fjalla um. Úr fasteignaskránni eru teknar eftirfarandi upplýsingar:
- Staðsetning eignar
- Flatarmál eignar eftir flokkum
- Fjöldi hæða í húsi.
- Byggingarár/afskriftarár.
- Byggingarefni útveggja
- Notkunarflokkun
- Fjöldi herbergja
- Ummál húss ef um sérbýli er að ræða
- Upplýsingar um hvort bílskúr, bílskýli eða bílastæði tilheyri eigninni.
- Upplýsingar um fjölda hreinlætistækja
- Upplýsingar um hvort lyfta sé í húsi.
- Upplýsingar um hve margar íbúðir eru í húsi.
- Upplýsingar um fjölda íbúða á hæð.
Áhugaverðir tenglar sem tengjast útgáfu fasteignamats 2020
Fréttatilkynning fyrir fjölmiðla
Kynning á fasteignamati 2020 (pdf)
Kynning á fasteignamati 2020 (myndband)
Fasteignamat eftir sveitarfélögum
Fasteignamat eftir sveitarfélögum og tegundum eigna
Fasteignamat eftir matssvæðum. Íbúðarhúsnæði, atvinnueignir í tekjumati og sumarhús
Matssvæði og undirmatssvæði íbúðarhúsnæðis, sérbýli. Kort og stuðlar
Matssvæði og undirmatssvæði íbúðarhúsnæðis, fjölbýli. Kort og stuðlar
Matssvæði og undirmatssvæði atvinnueigna í tekjumati, skrifstofur. Kort og stuðlar
Matssvæði og undirmatssvæði atvinnueigna í tekjumati, verslun. Kort og stuðlar
Matssvæði og undirmatssvæði atvinnueigna í tekjumati, iðnaður. Kort og stuðlar
Matssvæði sumarhúsa. Kort og stuðlar
Matssvæði og stuðlar. Íbúðarhúsnæði, atvinnueignir í tekjumati og sumarhús