Um kerfiskennitölur

Athugið!
Skráning á kerfiskennitöluskrá er eingöngu fyrir einstaklinga sem dvelja skemur en 3-6 mánuði á Íslandi eða munu ekki dvelja hér á landi. Skráningin veitir engin réttindi.

Tilgangur kerfiskennitölu

Almennt viðmið um útgáfu kerfiskennitölu á kerfiskennitöluskrá (áður utangarðsskrá) er að kerfisleg þörf er á einkvæmu auðkenni gagnvart hinu opinbera. Það getur til að mynda verið nauðsynlegt að geta aðgreint einstaklinga svo unnt sé að skiptast á upplýsingum um einstakling við aðrar stofnanir eða fyrirtæki, eins ef lög, reglur eða reglugerðir kveða á um nauðsyn kennitölu.

Ný kerfiskennitala

Frá og með 1. nóvember 2021 mun kerfiskennitala verða aðgreinanleg frá kennitölum einstaklinga á þjóðskrá. Núverandi kerfiskennitala er á sama formi og kennitala á þjóðskrá. Með lögum um skráningu einstaklinga nr. 140/2019 var lögfest að þessar tvær kennitölur skulu vera aðgreinanlegar.

Kerfiskennitalan mun vera aðgreinanleg með þeim hætti að hún mun ekki endurspegla fæðingardag og ár, líkt og kennitölur á þjóðskrá gera. Nýja kerfiskennitalan mun samanstanda af tíu tölustöfum og byrja ávallt á 8 eða 9 og hinar tölurnar verða tilviljanakenndar.

  • Dæmi : 812345-6789

Við útgáfu kerfiskennitölu eru skráðar tilteknar persónuupplýsingar í kerfiskennitöluskrá um þann einstakling sem fær útgefna kerfiskennitöluna. Það þýðir að þó að fæðingardagur einstaklinga sé ekki lengur tilgreindur í kerfiskennitölunni sjálfri þá er honum, ásamt fleiri upplýsingum um viðkomandi, miðlað í kerfiskennitöluskrá og því jafn aðgengilegar og áður.

Umsóknarferli

Viðeigandi opinber aðili sækir um skráningu á kerfiskennitöluskrá og þar með útgáfu á kerfiskennitölu, rafrænt á vef Þjóðskrár. Athugið að afrit af vegabréfi eða löggiltu ferðaskilríki þess sem sótt er um kennitölu fyrir þarf að fylgja með umsókninni og vera í gildi á þeim tíma sem sótt er um.

Upplýsingafundur um kerfiskennitölur

Rafrænn upplýsingafundur fyrir þá sem sjá um tæknilega útfærslur fyrir kerfiskennitölur í kerfum fyrirtækja verður haldinn fimmtudaginn 20. maí kl: 13:00

Skrá mig

Lög um skráningu einstaklinga

Skoða nánar lög nr. 140/2019 um skráningu einstaklinga.

Skoða nánar