Dvöl skemur en 3 mánuðir

Ef þú ert EES/EFTA ríkisborgari eða ríkisborgari einhvers Norðurlandanna og ert að fara að vinna launaða vinnu á Íslandi skemur en 3 mánuði þarftu að leita til Skattsins vegna umsóknar um kerfiskennitölu. Sjá eyðublað RSK 3.30 Umsókn erlends ríkisborgara um kerfiskennitölu á vef Skattsins. Skattkort er útgefið í kjölfar útgáfu á kerfiskennitölu. Kerfiskennitala veitir þér engin réttindi á Íslandi og staðfestir ekki rétt til dvalar.

Þurfir þú á kerfiskennitölu að halda vegna annarra ástæðna en vegna vinnu, þarftu að leita til þess opinbera aðila sem gerir kröfu um íslenska kennitölu starfsemi sinnar vegna.

Stofna kerfiskennitölu

Sjá eyðublað RSK 3.30 Umsókn erlends ríkisborgara um kerfiskennitölu.

Vefur Skattsins

Breytt kerfiskennitala tekur gildi 1. nóvember 2021

Vinsamlegast athugið að þann 1. nóvember 2021 mun ný og aðgreinanleg kerfiskennitala vera tekin í notkun og munu ALLIR sem hafa fengið útgefna kerfiskennitölu fyrir þann dag, fá úthlutaða kerfiskennitölu á nýja forminu.

Um kerfiskennitölur