Aðgangur að upplýsingum

AÐGANGUR AÐ SKRÁM

Nálgast má gögn úr þjóðskrá og fasteignaskrá hjá Þjóðskrá Íslands. Önnur gögn en þau sem eru aðgengileg á opnum vef Þjóðskrár Íslands þarf að sækja um aðgang að og greiða fyrir samkvæmt gjaldskrá. Hér að neðan má nálgast frekari upplýsingar um gögn úr þjóðskrá og fasteignaskrá.

Gjaldskrá Þjóðskrár Íslands, gildir frá 12. febrúar 2016

  • Með vefuppfletti og/eða rafrænum aðgangi að fasteignaskrá er boðið upp á ítarlegar upplýsingar um fasteignir. Í fasteignahluta fasteignaskrár kemur fram heiti eignar og greinitölur, fasteignamat, stærðir, heiti núverandi og fyrri eigenda ásamt fleiri upplýsingum. Hægt er að leita eftir landnúmeri, fastanúmeri eða heiti fasteignar. Þinglýsingarhluti fasteignaskrár hefur að geyma veðbandayfirlit fasteigna. Greitt er fyrir aðgang.

    Rafræn miðlun

    Aðgangur að fasteignaskrá er þrenns konar:

    • Vefuppfletti
      • Í vefuppfletti er hægt að leita eftir upplýsingum um einstaka eignir í fasteignaskrá og veðböndum á viðkomandi eign.
    • Vefþjónustuaðgangur
      • Hægt er að tengja upplýsingar úr fasteignaskrá beint inn í önnur tölvukerfi með því að nýta vefþjónustu. Til þess að fá slíka tengingu þarf umsækjandi (fyrirtæki eða stofnun) að hafa rafræn skilríki frá viðurkenndum vottunaraðila til auðkenningar.
    • FTP aðgangur
      • FTP aðgangur er fyrir skilgreint mengi af fasteignaskrá sem fyrirtæki eða stofnun fær aðgang að. Greitt er fyrir hverja línu úr skránni. FTP afhending hefur eingöngu verið fyrir stórnotendur í eigin starfsemi og ekki verið til miðlunar.

    Gjaldskrá Þjóðskrár Íslands, gildir frá 12. febrúar 2016

    Sérvinnslur

    Hvaða upplýsingar vantar þig? 

    Við skráum ógrynni upplýsinga um fólk og fasteignir og getum skeytt þeim saman á hvern þann hátt sem lögin leyfa. Við sérvinnum upplýsingar þannig að þær henti þinni starfsemi sem best; þú kemur með hugmyndirnar og við með lausnina!

    Sérvinnsla landupplýsinga eyðublað Z-859

    Sérvinnsla fasteignaskrá og þinglýsingagrunnur eyðublað Z-853

    Kostnaður við sérvinnslu reiknast samkvæmt gjaldskrá Þjóðskrár Íslands hverju sinni.

    Spurningar og ráðleggingar á servinnsla@skra.is

  • Í þjóðskrá eru meðal annars skráðar kennitölur manna, nöfn þeirra, kyn, hjúskaparstaða, börn, lögheimili, aðsetur ef við á, fæðingarstaður, ríkisfang, hvort fólk vilji fá sendan markpóst, skráning í trúfélag og fleira auk breytinga sem verða á þessum atriðum og öðrum högum manna.

    Rafræn miðlun

    Fyrirtækjum, stofnunum og einstaklingum stendur til boða að nota nafnaskrá þjóðskrár vegna starfsemi sinnar. Í þessu felst að þegar tilteknar upplýsingar eru skráðar í tölvukerfi þjóðskrár, t.d. þegar fæðingarstofnun tilkynnir fæðingu barns, þá er barnið skráð í þjóðskrá og að því loknu birtist kennitala þess í uppflettingu hjá þeim sem hafa aðgang að skránni. 

    Sækja þarf um aðgang og gera samning við Þjóðskrá Íslands áður en gögn verða aðgengileg hjá miðlara. 

    X-801 Umsókn um rafrænan aðgang að nafnaskrá þjóðskrár. Þú þarft að skrá þig inn með Íslykli eða rafrænum skilríkjum.

    X-803 Rafrænn aðgangur að þjóðskrá í lokuðu uppflettikerfi

    Listi yfir miðlara þjóðskrá

    Advania

    Creditinfo 

    DK hugbúnaður ehf 

    Ferli ehf    

    TM software 

    Þekking hf

    Þjóðskrá skiptist í þrjár skrár, þjóðskrá, utangarðsskrá og horfinnamannaskrá. Mismunandi tegundir eru að aðgangi sem sækja þarf sérstaklega um og inniheldur hver aðgangur mismikið af upplýsingum.

    Þjóðskrá - skilgreiningar á svæðum

    Úrtök úr þjóðskrá

    Úr þjóðskrá eru unnin úrtök annars vegar af hálfu Þjóðskrár Íslands og hins vegar af fyrirtækjum sem hafa heimild til úrtaksvinnslu samkvæmt samningi við stofnunina. Úrtök sem stofnunin vinnur eru m.a. íbúaskrár, kjörskrárstofnar, vottorð og sértækar vinnslur. Fyrirtæki sem hafa samning vinna úrtök til notkunar í skoðanakönnunum og/eða markaðsrannsóknum.

    Aðeins viðurkenndur úrtaksaðili hefur heimild til að framkvæma úrtök sem Þjóðskrá Íslands hefur samþykkt. Úrtök vegna kannana. Allar fyrirspurnir um framkvæmd útraksaðila við úrtak skal senda á urtok@skra.is

    Hjá Þjóðskrá Íslands getur fólk undanþegið sig því að vera á úrtakslistum með því að skrá sig á bannskrá.

    Rannsóknir sem falla undir vísindarannsóknir eru undanskildar enda háðar sérstöku leyfi Persónuverndar.

    Reglur nr. 36/2005 um bannskrá þjóðskrár og 28. gr. laga um persónuvernd nr. 77/2000

    Gjaldskrá Þjóðskrár Íslands, gildir frá 12. febrúar 2016

    Listi yfir úrtaksaðila:

    Advania

    Capacent hf 

    Creditinfo 

    Ferli ehf  

    Gallup GÍ rannsóknir ehf  

    Íslandspóstur hf

    Markaðsráð ehf

    MMR ehf 

    Önnur upplýsingagjöf

    Upplýsingagjöf til að mynda vegna fyrirspurna sem berast bréfleiðis eða í síma eru ávallt metnar og hvert tilfelli metið fyrir sig.Upplýsingar um núverandi lögheimili einstaklinga, dánardag og fullt nafn (rithátt) eru dæmi um upplýsingar sem eru almennt veittar til þriðja aðila sé þess óskað. Upplýsingar um kennitölur, hjúskaparstöðu, maka o.s.frv. eru ekki veittar til þriðja aðila.