Helstu vandamál í sjálfvirkum landamærahliðum
Helstu vandamál í sjálfvirkum landamærahliðum
Öll íslensk rafræn vegabréf eru lesprófuð og tæknilega í lagi þegar þau eru afhent. Þjóðskrá Íslands getur þó aldrei tryggt að allir íslenskir ferðalangar komist gegnum öll sjálfvirk landamærahlið. Hér eru nefnd nokkur vandamál sem geta komið upp:
- Örgjörvinn í vegabréfinu er viðkvæmur fyrir hnjaski og getur því orðið óvirkur. Ef það gerist kemst vegabréfshafinn ekki gegnum sjálfvirkt landamærahlið. Þeir sem hafa áhuga geta prófað að lesa örgjörvann í vegabréfinu sínu með einföldu appi á Android síma, sem heitir „ReadID NFC Passport Reader“. Ef það virkar er örgjörvinn og gögnin í honum í lagi. Þetta app er hins vegar ekki eins fullkomið og sjálfvirku landamærahliðin og gæti því hafnað vegabréfi þó örgjörvinn sé í lagi.
- Gögnin í örgjörvanum eru undirrituð með rafrænni undirskrift Þjóðskrár Íslands. Sjálfvirku landamærahliðin ganga úr skugga um að þessari undirskrift sé treyst. Traustvottorði Þjóðskrár Íslands hefur verið miðlað til stjórnvalda um allan heim, en þó er ekki hægt að tryggja að þau setji það öll inn í sín sjálfvirku landamærahlið. Ríki sem ekki hafa gert það hafna öllum íslenskum vegabréfum í sjálfvirkum landamærahliðum.
- Ýmsar tæknilegar villur geta komið upp í sjálfvirkum landamærahliðum, oft vegna mismunandi túlkunar og útfærslum á stöðlum. Þjóðskrá Íslands á í samstarfi við erlend stjórnvöld til að fækka slíkum tilvikum.
- Þótt vegabréfin og gögnin í örgjörvanum séu í fullkomnu lagi þarf að taka mynd af ferðalanginum og bera saman við myndina í örgjörvanum. Það þarf ekki mikið til að kerfið hafni því að myndin í örgjörvanum sé af ferðalanginum, t.d. gleraugu, þreytu, skegg o.fl.