Fasteignamarkaðurinn á höfuðborgarsvæðinu í júní 2015

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í júní 2015 var 336. Heildarvelta nam 12,6 milljörðum króna og meðalupphæð á hvern kaupsamning var 37,4 milljónir króna. Viðskipti með eignir í fjölbýli námu 8,5 milljörðum, viðskipti með eignir í sérbýli 3,1 milljarði og viðskipti með aðrar eignir 1 milljarði króna.

Hlusta

Makaskiptasamningar voru 7 í júní 2015 eða 2,2% af öllum samningum. Í júní 2014 voru makaskiptasamningar 13 eða 2,6% af öllum samningum. Makaskiptasamningur er þegar hluti kaupverðs er greiddur með annarri fasteign. Upplýsingar um makaskiptasamninga eiga eingöngu við um íbúðarhúsnæði.

Þegar júní 2015 er borinn saman við júní 2014 fækkar kaupsamningum um 36,7% og velta minnkar um 32,6%. Vert er að benda á að verkfalli lögfræðinga hjá Sýslumannsembættinu á höfuðborgarsvæðinu lauk ekki fyrr en 15. júní og því engum kaupsamningum þinglýst fyrri hluta mánaðarins. Í júní 2014 var 531 kaupsamningi þinglýst, velta nam 18,6 milljörðum króna og meðalupphæð á hvern kaupsamning 35,1 milljón króna.

Vegna verkfallsins var engum kaupsamningum þinglýst í maí 2015 og því ekki hægt að bera þann mánuð saman við júní 2015.

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.

**Tafla 1. Samanburður á júní 2014 og júní 2015**
	Júní 2014		Júní 2015		Breyting

	Velta millj.kr.	Fjöldi kaupsamn.	Velta millj.kr.	Fjöldi kaupsamn.	Velta millj.kr.	Fjöldi kaupsamn.
Fjölbýli	12.786	396	8.472	254	-33,7%	-35,9%
Sérbýli	5.010	104	3.114	63	-37,8%	-39,4%
Aðrar eignir en íbúðarhúsnæði	852	31	988	19	15,9%	-38,7%
Samtals	18.649	531	12.574	336	-32,6%	-36,7%

**Tafla 2. Fjöldi makaskipta (ath. á bara við um íbúðarhúsnæði)**
	Júní 2014	Maí 2015	Júní 2015	Breyting á milli ára	Breyting á milli mánaða
Samningar	500	0	317	-36,6%	-
Makaskipti eða lausafé	13	0	8	-38,5%	-
Makaskipti	13	0	7	-46,2%	-
Lausafé	0	0	1	-	-
Hlutfall makaskipta	2,6%	-	2,2%	-	-

Smelltu hér til að skoða tímaraðir í Excel. Ef þú vilt ekki láta Excel opnast í vafranum, þá getur þú hægri smellt og valið „Save target/link as“ og fært skjalið niður á harða diskinn og opnað það síðan í Excel.

Öllum er heimil afnot af fréttinni og meðfylgjandi gögnum en vinsamlegast getið heimildar.

Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár.

Skoða nánar