Þjóðskrá Íslands vinnur náið með byggingarfulltrúum og sýslumönnum vegna breytinga og vinnu við fasteignaskrá. Mikilvægt er að samstarfsaðilar átti sig á helstu verkefnum og vandamálum hvers annars og finni tækifæri til að gera betur. Annað hvert ár hittist starfsfólk stofnana á landshlutafundum sem haldnir eru á Akureyri, Egilsstöðum, Suðurlandi, Reykjavík, Vesturlandi og Ísafirði. Í ár sækja um 150 manns fundina en þar er m.a. fjallað um skráningu mannvirkja, lóða, mat fasteigna og þinglýsingar. Sérstök áhersla hefur verið lögð á kynningu fasteignanúmers sem hefur verið innleitt í áföngum í ár og lýkur þeirri vinnu með opnun á nýju vefuppfletti fasteignaskrár þann 9. júní n.k.
Af einum landshlutafundanna.