Frá og með 1. febrúar næstkomandi mun Þjóðskrá Íslands skipta um þjónustuaðila þegar kemur að birtingu loftmynda undir gögnum Þjóðskrár Íslands.
Ljóst er að þetta hefur ákveðnar breytingar í för með sér í birtingu korta á skra.is en Þjóðskrá Íslands mun sem fyrr leitast við að bjóða viðskiptavinum sínum upp á þjónustur til að skoða staðsetningu fasteigna á korta- og landupplýsingagrunni. Í þeim efnum hefur verið gerður samningur við Samsýn ehf. til næstu 12 mánaða.