Fasteignamarkaðurinn á höfuðborgarsvæðinu í ágúst 2019

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í ágúst 2019 var 525. Heildarvelta nam 27,4 milljörðum króna og meðalupphæð á hvern kaupsamning var 52,1 milljónir króna. Viðskipti með eignir í fjölbýli námu 19,2 milljörðum, viðskipti með eignir í sérbýli 7,5 milljörðum og viðskipti með aðrar eignir 0,7 milljörðum króna.

Hlusta

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í ágúst 2019 var 525. Heildarvelta nam 27,4 milljörðum króna og meðalupphæð á hvern kaupsamning var 52,1 milljón krónur. Viðskipti með eignir í fjölbýli námu 19,2 milljörðum, viðskipti með eignir í sérbýli 7,5 milljörðum og viðskipti með aðrar eignir 0,7 milljörðum króna.

Þegar ágúst 2019 er borinn saman við júlí 2019 fækkar kaupsamningum um 17,7% og velta minnkar um 16,7%. Í júlí 2019 var 638 kaupsamningum þinglýst, velta nam 32,9 milljörðum króna og meðalupphæð á hvern kaupsamning 51,5 milljónir króna.

Þegar ágúst 2019 er borinn saman við ágúst 2018 fækkar kaupsamningum um 32,7% og velta minnkar um 27,8%. Í ágúst 2018 var 780 kaupsamningum þinglýst, velta nam 37,9 milljörðum króna og meðalupphæð á hvern kaupsamning 48,6 milljónir króna.

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.

**Tafla 1. Samanburður á júlí 2019 og ágúst 2019**
	Júlí 2019		Ágúst 2019		Breyting

	Velta millj.kr.	Fjöldi kaupsamn.	Velta millj.kr.	Fjöldi kaupsamn.	Velta millj.kr.	Fjöldi kaupsamn.
Fjölbýli	22.044	499	19.211	412	-12,9%	-17,4%
Sérbýli	7.797	102	7.497	96	-3,8%	-5,9%
Aðrar eignir en íbúðarhúsnæði	3.018	37	658	17	-78,2%	-54,1%
Samtals	32.858	638	27.366	525	-16,7%	-17,7%

**Tafla 2. Samanburður á ágúst 2018 og ágúst 2019**
	Ágúst 2018		Ágúst 2019		Breyting

	Velta millj.kr.	Fjöldi kaupsamn.	Velta millj.kr.	Fjöldi kaupsamn.	Velta millj.kr.	Fjöldi kaupsamn.
Fjölbýli	25.581	604	19.211	412	-24,9%	-31,8%
Sérbýli	9.417	124	7.497	96	-20,4%	-22,6%
Aðrar eignir en íbúðarhúsnæði	2.898	52	658	17	-77,3%	-67,3%
Samtals	37.896	780	27.366	525	-27,8%	-32,7%

Smelltu hér til að skoða tímaraðir í Excel. Ef þú vilt ekki láta Excel opnast í vafranum, þá getur þú hægri smellt og valið „Save target/link as“ og fært skjalið niður á harða diskinn og opnað það síðan í Excel.

Öllum er heimil afnot af fréttinni og meðfylgjandi gögnum en vinsamlegast getið heimildar.

Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár.

Skoða nánar