Söfnun og skráningu meðmælenda fyrir forsetakjör 2020 er lokið en í fyrsta sinn var boðið upp á rafræna söfnun meðmæla fyrir kosningar hér á landi. 8.752 meðmælum var safnað rafrænt í meðmælendakerfi sem Þjóðskrá Íslands veitir framboðum og yfirkjörstjórnum aðgang að. Það gera 87,5% af heildarfjölda meðmæla sem var skráð í kerfið en samtals voru 10.000 meðmæli skráð frá 9.991 einstaklingi.
Alls voru sex framboð sem söfnuðu meðmælum. Samtals voru 1.248 undirskriftir á pappírslistum skráðar í meðmælendakerfið en 8.752 rafræn meðmæli.
Þess má geta að ef einstaklingur skráir sig sem meðmælandi hjá fleiri en einu framboði þá leiðir það til ógildingar allra meðmæla viðkomandi. Einnig fá skráðir meðmælendur staðfestingu þess efnis í pósthólfið sitt á Ísland.is.
Sjá nánari tölfræði um fjölda meðmæla hér að neðan:
| Helstu tölur um fjölda meðmælenda | Fjöldi |
|---|---|
| Fjöldi meðmæla | 10.000 |
| Fjöldi einstaklinga sem skráðu sig á meðmælendalista | 9.991 |
| Fjöldi rafrænna meðmæla | 8.752 |
| Fjöldi skráðra meðmæla á pappír | 1.248 |
| Hlutfall rafrænna meðmæla | 87,5% |
Fjöldi meðmæla eftir landsfjórðungum
| Búseta | Samtals fjöldi |
|---|---|
| Austfirðingafjórðungur | 339 |
| Norðlendingafjórðungur | 1.112 |
| Sunnlendingafjórðungur | 8.096 |
| Vestfirðingafjórðungur | 442 |
| Búsettur erlendis | 11 |
| Samtals | 10.000 |