Fasteignir08. nóvember 2021

Nýjar upplýsingar um eignarhald íbúða í Fasteignagátt Þjóðskrár

Finna má nýjar upplýsingar í Fasteignagátt Þjóðskrár um hvernig eignarhald íbúða skiptist eftir einstaklingum og lögaðilum sem eiga eina íbúð eða fleiri en eina íbúð.

 

Nýjar upplýsingar um eignarhald íbúða eru nú birtar í Fasteignagátt Þjóðskrár.

Þar má finna yfirlit sem sýnir hlutfall og fjölda íbúða í eigu einstaklinga eða lögaðila sem eiga annars vegar eina íbúð eða fleiri en eina íbúð. Ef einstaklingur á tvær íbúðir teljast þær báðar til flokksins „Íbúðir í eigu einstaklinga sem eiga fleiri en eina íbúð“. Yfirlitið nær aftur til ársins 1995. Um er að ræða áramótastöður en fyrir núverandi ár er um að ræða uppfærða stöðu í byrjun hvers mánaðar.

Eins og gögnin sýna þá eru 62,7% íbúða í eigu einstaklinga sem eiga eina íbúð en 20,7% í eigu einstaklinga sem eiga fleiri en eina íbúð. Um 14,4% íbúða eru í í eigu lögaðila sem eiga fleiri en eina íbúð og 2,2% í eigu lögaðila sem eiga eina íbúð. Sjá má sögulega þróun í gögnum um eignarhald íbúða.  

 

Litið er til íbúða sem eru taldar fullbúnar, þ.e. á matsstigi 7 eða 8.

Gögnin eru uppfærð með sjálfvirkum hætti í byrjun hvers mánaðar. 



Skrá mig á póstlista

Útgáfuáætlun

Hér má sjá útgáfuáætlun Þjóðskrár Íslands.

Skoða nánar