Upplýsingar um leiguverð íbúðarhúsnæðis í nóvember 2016

Vísitala leiguverðs á höfuðborgarsvæðinu var 160,1 stig í nóvember 2016 (janúar 2011=100) og hækkar um 0,8% frá fyrri mánuði. Síðastliðna 3 mánuði hækkaði vísitalan um 3,5% og síðastliðna 12 mánuði hækkaði hún um 8,3%. Vísitala leiguverðs á höfuðborgarsvæðinu sýnir breytingar á vegnu meðaltali fermetraverðs.

Hlusta

Íbúðarhúsnæði er skipt í flokka eftir herbergjafjölda og staðsetningu. Reiknað er meðalfermetraverð fyrir 6 flokka íbúðarhúsnæðis. Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 12 mánuði.

Birtingu vísitölunnar er ætlað að varpa ljósi á þróun leiguverðs samkvæmt þeim gögnum sem liggja fyrir á hverjum tíma. Þjóðskrá Íslands áskilur sér rétt til að endurskoða vísitöluna aftur í tímann í ljósi fyllri gagna eða fágaðri aðferðafræði. Vísitalan er ekki ætluð til að verðtryggja fjárskuldbindingar.
Tímaröð fyrir vísitöluna er hægt að skoða í Excel skjali.

Leiguverð

Teknar hafa verið saman upplýsingar um leiguverð eftir staðsetningu og stærðarflokkum fasteigna á landinu í nóvember 2016.

Í leigugagnagrunni Þjóðskrár eru 593 samningar, sem þinglýst var í nóvember 2016. Við úrvinnslu talnaupplýsinga um leiguverð var leigusamningum sem eru eldri en 60 daga við þinglýsingu, samningum þar sem herbergjafjöldi íbúða er ekki þekktur, samningum um félagslegar íbúðir o.fl. sleppt. Talnaupplýsingar um leiguverð í nóvember 2016 eru því unnar upp úr 371 leigusamningi sem þinglýst var í nóvember 2016.

Eftirfarandi tafla sýnir meðalleiguverð á hvern fermetra í nóvember 2016 fyrir mismunandi stærðir íbúða og staðsetningu.

Svæði	Stúdíó íbúð	2 herbergja	3 herbergja	4-5 herbergja
Reykjavík, vestan Kringlumýrarbrautar og Seltjarnarnes	3551	2644	2288	1951
Reykjavík milli Kringlumýrarbrautar og Reykjanesbrautar	3213	2715	2026	1729
Kópavogur	-	2381	2003	2010
Garðabær og Hafnarfjörður	-	2274	1967	1584
Grafarvogur, Grafarholt, Árbær, Norðlingaholt og Úlfarsárdalur	-	2245	2067	1685
Breiðholt	-	2465	2059	1656
Kjalarnes og Mosfellsbær	-	-	1773	-
Suðurnes	-	1864	1520	1189
Vesturland	-	1573	1423	1176
Vestfirðir	-	-	1137	712
Norðurland nema Akureyri	-	-	1415	-
Akureyri	-	2127	1741	1578
Austurland	-	-	-	1126
Suðurland	-	1807	1515	1141

Í Excel skjali eru sömu upplýsingar auk staðalfráviks,upplýsinga um fjölda leigusamninga, meðalbyggingarár og meðalflatarmál leigðra eigna í hverjum flokki auk eldri gagna. Meðaltöl eru birt ef þrír eða fleiri samningar eru í úrtaki flokks og staðalfrávik fyrir fimm eða fleiri samninga.

Öllum er heimil afnot af fréttinni og meðfylgjandi gögnum en vinsamlegast getið heimildar.

Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár.

Skoða nánar