Upplýsingaöryggi

Þjóðskrá hlaut í febrúar 2006 vottun frá Bresku staðlastofnuninni, BSI, samkvæmt ISO 27001:2005 staðlinum um stjórnun upplýsingaöryggis og hefur haldið vottuninni síðan. Þann 18. nóvember 2014 hlaut stofnunin vottun samkvæmt nýrri útgáfu staðalsins ISO/IEC 27001:2013. Skoðunarmenn BSI koma reglubundið til að gera úttekt á að starfseminni og fullvissa sig um að starfsemin sé í samræmi við ákvæði staðalsins.

Þjóðskrá er fyrsta ríkisstofnunin sem starfar samkvæmt slíkri vottun. Stofnun heldur tvær mikilvægustu grunnskrár Íslands; þjóðskrá og fasteignaskrá auk þess að annast opinber möt fasteigna; fasteignamat og brunabótamat. Öflug gæðakerfi, byggð á viðurkenndum stöðlum, undir eftirliti óháðs aðila, er sú leið sem stofnunin hefur valið til að tryggja eins og framast er unnt öruggt skráarhald og skilvirka starfshætti.

Öryggisstefna

Sjá öryggisstefnu

Vottunarskírteini BSI

Skoða nánar