Á umræddu tímabili fjölgaði íbúum Mosfellsbæjar hlutfallslega mest af sveitarfélögum á höfuð-borgarsvæðinu eða um 0,5% sem er fjölgun uppá 59 íbúa.
Hlutfallslega mest fjölgun í Súðavíkurhreppi
Þegar horft er til alls landsins þá fjölgaði íbúum Súðavíkurhrepps hlutfallslega mest eða um 2,5% en íbúum þar fjölgaði úr 199 í 204 íbúa.
Íbúum fækkaði hlutfallslega mest í Skeiða- og Gnúpverjahreppi, um 2,0% og í Hvalfjarðarsveit um 1,8%.
Þá fækkaði íbúum í 28 sveitarfélögum af 72 sveitarfélögum landsins í desember. Þar af fækkaði íbúum 6 sveitafélaga af 10 á Vesturlandi.
Fækkun í þremur landshlutum af átta
Fækkun varð í þremur landshlutum. Íbúum fækkaði á Vesturlandi um 38 íbúa sem er 0,2% fækkun. Ennfremur var lítilsháttar fækkun á Austurlandi og á Vestfjörðum fækkaði um tvo íbúa.
Hlutfallslega mest fjölgun varð á Suðurnesjum eða um 0,3% eða um 69 íbúa. Íbúum höfuðborgarsvæðisins fjölgaðu um 312 íbúa eða um 0,1%.
Hér má sjá töflu yfir fjölda íbúa eftir sveitafélögum og samanburð við íbúatölur frá 1. desember 2018.
Þjóðskrá Íslands birtir hér eftir mánaðarlega upplýsingar um íbúafjölda eftir sveitafélögum. Upplýsingarnar byggjast á skráðri búsetu einstaklinga í þjóðskrá þann 1. hvers mánaðar.
.PNG)