Upplýsingar um leiguverð íbúðarhúsnæðis í febrúar 2019

Vísitala leiguverðs á höfuðborgarsvæðinu var 194,7 stig í febrúar 2019 (janúar 2011=100) og hækkar um 0,5% frá fyrri mánuði. Síðastliðna 3 mánuði lækkaði vísitalan um 0,1% og síðastliðna 12 mánuði hækkaði hún um 7,5%. Vísitala leiguverðs á höfuðborgarsvæðinu sýnir breytingar á vegnu meðaltali fermetraverðs.

Hlusta

Mynd sem sýnir þróun vísitölu leiguverðs síðastliðna 12 mánuði

Íbúðarhúsnæði er skipt í flokka eftir herbergjafjölda og staðsetningu. Reiknað er meðalfermetraverð fyrir 6 flokka íbúðarhúsnæðis. Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 12 mánuði.

Birtingu vísitölunnar er ætlað að varpa ljósi á þróun leiguverðs samkvæmt þeim gögnum sem liggja fyrir á hverjum tíma. Þjóðskrá Íslands áskilur sér rétt til að endurskoða vísitöluna aftur í tímann í ljósi fyllri gagna eða fágaðri aðferðafræði. Vísitalan er ekki ætluð til að verðtryggja fjárskuldbindingar.
Tímaröð fyrir vísitöluna er hægt að skoða í Excel skjali. Einnig er hægt að nálgast gögnin á myndrænan hátt.

Leiguverð

Teknar hafa verið saman upplýsingar um leiguverð eftir staðsetningu og stærðarflokkum fasteigna á landinu í febrúar 2019.

Í leigugagnagrunni Þjóðskrár eru 672 samningar, sem þinglýst var í febrúar 2019. Við úrvinnslu talnaupplýsinga um leiguverð var leigusamningum sem eru eldri en 60 daga við þinglýsingu, samningum þar sem herbergjafjöldi íbúða er ekki þekktur, samningum um félagslegar íbúðir o.fl. sleppt. Talnaupplýsingar um leiguverð í febrúar 2019 eru því unnar upp úr 519 leigusamningum sem þinglýst var í febrúar 2019.

Eftirfarandi tafla sýnir meðalleiguverð á hvern fermetra í febrúar 2019 fyrir mismunandi stærðir íbúða og staðsetningu.

Svæði	Stúdíó íbúð	2 herbergja	3 herbergja	4-5 herbergja
Reykjavík, vestan Kringlumýrarbrautar og Seltjarnarnes	4412	3227	2943	2386
Reykjavík milli Kringlumýrarbrautar og Reykjanesbrautar	3825	3100	2714	2227
Kópavogur	3165	3081	2371	2014
Garðabær og Hafnarfjörður	3545	2960	2283	2174
Grafarvogur, Grafarholt, Árbær, Norðlingaholt og Úlfarsárdalur	3573	2628	2378	2061
Breiðholt	4379	2777	1898	2162
Kjalarnes og Mosfellsbær	-	2597	2191	-
Suðurnes	3881	2327	2091	1521
Vesturland	-	2098	1780	1588
Vestfirðir	-	-	-	-
Norðurland nema Akureyri	-	-	-	-
Akureyri	-	2275	1964	1528
Austurland	-	-	1528	1276
Suðurland	3627	2074	1773	1330

Í Excel skjali eru sömu upplýsingar auk staðalfráviks,upplýsinga um fjölda leigusamninga, meðalbyggingarár og meðalflatarmál leigðra eigna í hverjum flokki auk eldri gagna. Meðaltöl eru birt ef þrír eða fleiri samningar eru í úrtaki flokks og staðalfrávik fyrir fimm eða fleiri samninga. Einnig er hægt að nálgast sömu gögn á myndrænan hátt.

Skrá á póstlista ÞÍ.

Útgáfuáætlun ÞÍ.

Öllum er heimil afnot af fréttinni og meðfylgjandi gögnum en vinsamlegast getið heimildar.

Til baka

Skrá mig á póstlista

Útgáfuáætlun

Hér má sjá útgáfuáætlun Þjóðskrár.

Skoða nánar