Alls hefur skráðum í Þjóðkirkjuna fækkað um 988 manns á tímabilinu frá 1. desember á síðasta ári til 1. október. Nú eru 231.684 einstaklingar skráðir í Þjóðkirkjuna.
Fjölgun mest í kaþólska söfnuðinum
Á sama tímabili fjölgaði í kaþólska söfnuðinum um 469 manns eða um 3,4% og í Siðmennt um 454 manns eða um 16,1,%. Aukning var einnig í Ásatrúarfélaginu eða um 228 manns sem er 5,1% fjölgun.
Alls voru 25.628 einstaklingar skráðir utan trú- og lífsskoðunarfélaga þann 1. október sl. og fjölgaði þeim um 865 frá 1. desember 2018 eða um 3,5%.
Hér má sjá töflu yfir fjölda skráðra eftir trú- og lífsskoðunarfélög þann 1. október sl. og samanburð við tölur frá 1. desember 2017 og 2018.
Tölurnar byggja á skráningu einstaklinga í sveitarfélög samkvæmt skráningu Þjóðskrár Íslands.
Skrá á póstlista markaðsfrétta ÞÍ.
Öllum er heimil afnot af fréttinni og meðfylgjandi gögnum en vinsamlegast getið heimildar.