Stolið/týnt vegabréf
Tilkynning um stolið/týnt vegabréf
Athugið
Athugið að ef verið er að tilkynna um stolið/týnt vegabréf barns þá þurfa báðir forsjáraðilar að senda inn tilkynningu/staðfestingu um glatað vegabréf ef um sameiginlega forsjá er að ræða.
Vegabréf sem tilkynnt eru glötuð eru skráð inn í Schengen og Interpol upplýsingakerfin og eru þar með ónothæf. Tilkynna skal lögreglu, Þjóðskrá Íslands eða sendimönnum Íslands erlendis þegar í stað ef vegabréf glatast og skal þá gera sérstaka grein fyrir afdrifum þess. (Lög um vegabréf nr 136/1998)
Skv. 3. mgr. laga um vegabréf skal nýtt vegabréf gefið út með sama gildistíma og fyrra vegabréf ef það hefur verið tilkynnt glatað.
Komi vegabréf í leitirnar skal skila því til næsta sýslumannsembættis, sendiskrifstofa Íslands erlendis eða til Þjóðskrár Íslands.
Þegar búið er að skrá vegabréf í ofangreind kerfi þá er það óafturkræft og það getur valdið miklu óhagræði ef því er framvísað á landamærum.